Məqalədə şirkətin yeni inkişaf strategiyasının seçilməsinin nəzəri və praktiki əsasları araşdırılır. Strategiya anlayışının mahiyyəti açıqlanır, onun şirkətin məqsədlərinə çatmasında və rəqabət qabiliyyətinin artırılmasında rolu vurğulanır. Araşdırmada yeni inkişaf strategiyasının seçilməsinə təsir edən əsas amillər-bazar və müştəri tələbləri, rəqabət şəraiti, innovasiya imkanları, maliyyə resursları, texnologiyanın tətbiqi və insan resurslarının potensialı təhlil edilir. Həmçinin strategiyanın hazırlanmasının əsas mərhələləri və effektiv icrası üçün zəruri olan idarəetmə yanaşmaları sistemləşdirilir. Nəticə etibarilə, davamlı inkişafın təmin edilməsi üçün şirkətlərdə çevik, innovativ və strateji düşüncəyə əsaslanan idarəetmə modellərinin tətbiqinin vacibliyi əsaslandırılır.