​Tədqiqatda Azərbaycanda bələdiyyələrin kənd təsərrüfatında ixrac potensialının artırılmasındakı rolu elmi əsaslarla araşdırılmışdır. Qeyri-neft sektorunun inkişafı baxı-mından aqrar məhsulların ixracının genişləndirilməsi ölkə iqtisadiyyatı üçün strateji əhə-miyyət daşıyır. Bu kontekstdə bələdiyyələrin yerli resursların idarə olunması, torpaq mü-nasibətlərinin tənzimlənməsi, fermer təsərrüfatlarının təşkili və istehsalın stimullaşdırıl-ması sahəsində mühüm institusional imkanlara malik olduğu müəyyən edilmişdir. Araş-dırma nəticələri göstərir ki, bələdiyyələrin aqrar istehsalın təşkili və dəstəklənməsi isti-qamətində daha səmərəli fəaliyyəti ixracın genişlənməsinə müsbət təsir göstərə bilər. Bununla yanaşı, maliyyə imkanlarının məhdudluğu, koordinasiya mexanizmlərinin yet-kin olmaması və institusional çatışmazlıqlar əsas maneələr kimi qiymətləndirilir. Ümu-milikdə, bələdiyyələrin rolunun gücləndirilməsi regionların sosial-iqtisadi inkişafına və ölkənin qeyri-neft ixracının artımına əhəmiyyətli töhfə vermək potensialına malikdir. ​