Bu məqalədə qida sənayesində texnoloji innovasiyaların tətbiqi və suveren iqtisadiyyatın gücləndirilməsində strateji idarəetmə yanaşmalarının rolunun təhlili aparılır. Rəqəmsal transformasiya, avtomatlaşdırma, biotexnologiya, sensor texnologiyaları, IoT əsaslı aqrar idarəetmə sistemləri və qida təhlükəsizliyi platformaları milli iqtisadiyyatın rəqabətqabiliyyətliliyinə təkan verən mühüm faktor kimi qiymətləndirilir. Tədqiqat göstərir ki, texnoloji innovasiyalar yalnız istehsal səmərəliliyini artırmır, həm də resurslara qənaəti, keyfiyyətə nəzarəti, ixrac imkanlarını və ərzaq təhlükəsizliyini optimallaşdırır. Məqalə smart kənd təsərrüfatı texnologiyalarının tətbiqi, strateji innovasiya siyasəti, dövlət dəstək mexanizmləri və özəl sektor investisiyalarının sinerjisi əsasında transformasiyanın mümkün modellərini təqdim edir. Nəticələr göstərir ki, dayanıqlı qida sistemi üçün dövlət idarəçiliyi, tənzimləyici mexanizmlər, korporativ innovasiya mədəniyyəti, rəqəmsal bacarıqlar və AR-ın milli innovasiya strategiyası birlikdə işləməlidir. Məqalə həm nəzəri çərçivə, həm də praktiki tövsiyələr təqdim edərək, innovasiya ekosisteminin qurulmasının milli iqtisadi müstəqilliyin gücləndirilməsində oynadığı həlledici rolu vurğulayır.